1. Ni, Breizhiz a galon, karomp hon gwir Vro!
Brudet eo an Arvor dre ar bed tro-do.
Dispont kreiz ar brezel, hon tadoù ken mad,
A skuillaz eviti o gwad.

CHORUS:
O Breizh, ma Bro, me 'gar ma Bro.
Tra ma vo mor 'vel mur 'n he zro.
Ra vezo digabestr ma Bro!

2. Breizh, douar ar Sent kozh, douar aar Varzhed,
N'eus bro all a garan kement 'barzh ar bed,
Peb menez, ped traoñienn, d'am c'halon zo kaer,
Enne kousk meur a Vreizhad taer!

3. Ar Vretoned zo tud kalet ha kreñv;
N'eus pobl ken kaloneg a zindan an neñv,
Gwerz trist, son dudius a ziwan eno,
O! pegen kaer ec'h out, ma Bro!

4. Mar d'eo bet trec'het Breizh er brezellioù braz,
He yezh a zo bepred ken beo ha bizkoazh,
He c'halon birvidik a lamm c'hoazh'n he c'hreiz,
Dihunet out bremañ, ma Breizh!